1. {#1కృప కోసం ప్రార్థన }
2. [PS]యెహోవా, మాకు కలిగిన యాతన గుర్తు చేసుకో. [PE][PS]మా మీదికి వచ్చిన అవమానం ఎలా ఉందో చూడు. [PE]
3. [PS]మా స్వాస్థ్యం పరదేశుల వశం అయ్యింది. [PE][PS]మా ఇళ్ళు అన్యుల స్వాధీనం అయ్యాయి. [PE]
4. [PS]మేము అనాథలం అయ్యాం. [PE][PS]తండ్రులు ఇంక లేరు. [PE][PS]మా తల్లులు వితంతువుల్లా ఉన్నారు. [PE]
5. [PS]మా నీళ్లు మేము డబ్బుతో కొనుక్కుని తాగాం. [PE][PS]మా కట్టెలు మాకే అమ్మారు. [PE]
6. [PS]వాళ్ళు మమ్మల్ని తరిమారు. [PE][PS]మేము అలసిపోయాం. మాకు విశ్రాంతి లేదు. [PE]
7. [PS]అన్నం కోసం ఐగుప్తీయులకూ అష్షూరీయులకూ చెయ్యి చాపాం. [PE]
8. [PS]మా పితరులు[* పితరులుపూర్వీకులు ] పాపం చేసి చనిపోయారు. [PE][PS]మేము వాళ్ళ పాపానికి శిక్ష అనుభవిస్తున్నాం. [PE]
9. [PS]దాసులు మమ్మల్ని ఏలుతున్నారు. వాళ్ళ వశం నుంచి మమ్మల్ని విడిపించే వాళ్ళు ఎవరూ లేరు. [PE]
10. [PS]ఎడారి ప్రజల కత్తి భయంతో ప్రాణానికి తెగించి మా ఆహారం తెచ్చుకుంటున్నాం. [PE]
11. [PS]కరువు తాపం వల్ల మా చర్మం పొయ్యిలా కాలిపోతోంది. [PE]
12. [PS]శత్రువులు సీయోనులో స్త్రీలను, యూదా పట్టణాల్లో కన్యకలను మానభంగం చేశారు. [PE]
13. [PS]అధిపతులను వాళ్ళు ఉరి తీశారు. పెద్దలను ఘనపరచలేదు. [PE]
14. [PS]బలమైన యువకులను గానుగల దగ్గరికి తీసుకొచ్చారు. యువకులు కొయ్య దుంగలు మొయ్యలేక తూలిపడ్డారు. [PE]
15. [PS]పెద్దలను గుమ్మాల దగ్గర కూర్చోకుండా తొలగించారు. [PE][PS]యువకులను సంగీతం నుంచి దూరం చేశారు. [PE]
16. [PS]మా గుండెల్లో ఆనందం అడుగంటింది. మా నాట్యం దుఃఖంగా మారిపోయింది. [PE]
17. [PS]మా తల మీద నుంచి కిరీటం పడిపోయింది! మేము పాపం చేశాం! మాకు బాధ! [PE]
18. [PS]మా గుండెలకు జబ్బు చేసింది. మా కళ్ళు మసకబారాయి. [PE]
19. [PS]సీయోను పర్వతం నిర్జీవంగా ఉంది. దాని మీద నక్కలు తిరుగులాడుతున్నాయి. [PE]
20. [PS]యెహోవా, నువ్వు నిత్యం పరిపాలిస్తావు. నీ సింహాసనం తరతరాలు ఉంటుంది. [PE]
21. [PS]నువ్వు మమ్మల్ని శాశ్వతంగా ఎందుకు మర్చిపోతావు? [PE][PS]మమ్మల్ని శాశ్వతంగా విడిచిపెట్టేస్తావా? [PE]
22. [PS]యెహోవా, నువ్వు మమ్మల్ని నీ వైపుకు మళ్ళీ తిప్పు. మేము తిరుగుతాం. [PE][PS]నువ్వు మమ్మల్ని పూర్తిగా విడిచి పెట్టకపోతే, మా మీద నీకు విపరీతమైన కోపం లేకపోతే మా పూర్వస్థితి మళ్ళీ మాకు కలిగించు.[PE]