1.
2. [PS]యూదారాజు ఆమోను కుమారుడు యోషీయా దినాల్లో జెఫన్యాకు ప్రత్యక్షమైన యెహోవా వాక్కు. జెఫన్యా కూషీ కుమారుడు. కూషీ గెదల్యా కుమారుడు. గెదల్యా అమర్యా కుమారుడు. అమర్యా హిజ్కియా కుమారుడు. [PE]{#1యెరూషలేము పై పడబోయే తీర్పు }
3. [PS]“ఏమీ వదలకుండా భూమి మీద ఉన్న సమస్తాన్నీ నేను ఊడ్చివేస్తాను. ఇదే యెహోవా వాక్కు. [PE]
4. [PS]మనుషులనేమి పశువులనేమి ఊడ్చివేస్తాను. [PE][PS]ఆకాశ పక్షులను, సముద్రంలో చేపలను నాశనం చేస్తాను. దుర్జనులను, వారి శిథిలాలను నేను ఊడ్చివేస్తాను. [PE][PS]భూమి మీద ఎవరూ లేకుండా మానవ జాతిని నిర్మూలం చేస్తాను.” ఇదే యెహోవా వాక్కు. [PE]{#1యూదా వారికి శిక్ష }
5. [PS]“నా హస్తాన్ని యూదా వారి మీద యెరూషలేము నివాసులందరి మీద చాపి, [PE][PS]బయలు దేవుడి భక్తుల్లో శేషించిన వారిని, దానికి ప్రతిష్ఠితులైన వారిని, దాని అర్చకులను నిర్మూలం చేస్తాను. [PE]
6. [PS]మిద్దెల మీద ఎక్కి ఆకాశ సమూహాలకు మొక్కే వాళ్ళను, [PE][PS]యెహోవా పేరును బట్టి ఒట్టు పెట్టుకుంటూ, ఆయన్ని పూజిస్తూ మిల్కోము దేవుడి[* దేవుడి విగ్రహం ] పేరు స్మరించే వారిని నాశనం చేస్తాను. [PE]
7. [PS]యెహోవాను అనుసరించకుండా ఆయన్ని విసర్జించి ఆయన దగ్గర విచారణ చేయని వారిని నేను నిర్మూలం చేస్తాను.” [PE]
8. [PS]యెహోవా దినం సమీపించింది. [PE][PS]ఆయన బలి సిద్ధపరిచాడు. [PE][PS]తాను పిలిచిన వారిని ఆయన ప్రతిష్ఠించాడు. [PE][PS]యెహోవా ప్రభువు సన్నిధిలో మౌనంగా ఉండండి. [PE]
9. [PS]“యెహోవాకు బలి అర్పించే దినాన అధిపతులను, [PE][PS]రాజకుమారులను విదేశీయుల్లాగా బట్టలు వేసుకునే వారందరినీ నేను శిక్షిస్తాను. [PE]
10. [PS]ఇళ్ళ గడపలు దాటి వచ్చి యజమాని ఇంటిని[† ఇంటిని విగ్రహాలు గుడి ] మోసంతో బలాత్కారంతో నింపే వారిని ఆ దినాన నేను శిక్షిస్తాను.” [PE]
11. [PS]ఆ రోజున చేప ద్వారంలో రోదన ధ్వని, [PE][PS]పట్టణం దిగువ భాగంలో అంగలార్పు వినబడుతుంది. [PE][PS]కొండల దిక్కు నుండి గొప్ప నాశనం వస్తుంది. [PE][PS]ఇదే యెహోవా వాక్కు. [PE]
12. [PS]కనానీయులంతా నాశనమయ్యారు. [PE][PS]డబ్బు సమకూర్చుకున్న వారందరూ నిర్మూలమైపోయారు. కాబట్టి మక్తేషు లోయ నివాసులారా, విలపించండి. [PE]
13. [PS]ఆ రోజుల్లో నేను దీపాలు చేబూని యెరూషలేమును గాలిస్తాను. [PE][PS]పేరుకుపోయిన మడ్డి మీద నిలిచిన ద్రాక్షారసం లాంటివారై “యెహోవా మేలుగానీ కీడుగానీ చేసేవాడు కాడు” అని మనస్సులో అనుకొనే వారిని శిక్షిస్తాను. [PE]
14. [PS]వారి ఆస్తి దోపుడు సొమ్ముగా అవుతుంది. [PE][PS]వారి ఇళ్ళు పాడైపోతాయి. [PE][PS]వారు ఇళ్ళు కట్టుకుంటారు గాని వాటిలో కాపురముండరు. [PE][PS]ద్రాక్షతోటలు నాటుతారు గాని వాటి రసం తాగరు. [PE]{#1మహా ఉగ్రతా దినం }
15. [PS]యెహోవా మహా దినం దగ్గర పడింది. [PE][PS]యెహోవా దినం సమీపంగా ఉంది. అతి శీఘ్రంగా వస్తూ ఉంది. [PE][PS]వినండి. యెహోవా దినం వచ్చేస్తోంది. [PE][PS]పరాక్రమశాలురు వెక్కిళ్ళు పెట్టి ఏడుస్తారు. [PE]
16. [PS]ఆ దినం ఉగ్రత దినం. బాధ, ఉపద్రవం మహానాశనం కమ్ముకు వచ్చే దినం. [PE][PS]అంధకారం, మసక కమ్మే రోజు. [PE][PS]మేఘాలు ముసిరి గాఢాంధకారం పొదిగే రోజు. [PE]
17. [PS]ఆ దినాన ప్రాకారాలున్న పట్టణాల దగ్గర, ఎత్తయిన గోపురాల దగ్గర, యుద్ధ ఘోష, భేరీనాదం వినబడుతాయి. [PE]
18. [PS]ప్రజలు యెహోవా దృష్టికి పాపం చేశారు గనక నేను వారి మీదికి ఉపద్రవం రప్పించబోతున్నాను. [PE][PS]వారు గుడ్డివారిలాగా నడుస్తారు. [PE][PS]వారి రక్తం దుమ్ములాగా ఒలికిపోతుంది. [PE][PS]వారి మాంసాన్ని పెంటలాగా పారేస్తారు. [PE][PS]యెహోవా ఉగ్రత దినాన వారి వెండి బంగారాలు వారిని తప్పించలేకపోతాయి. [PE][PS]రోషాగ్నిచేత భూమంతా దహనం అవుతుంది. [PE][PS]హఠాత్తుగా ఆయన భూనివాసులందరినీ సర్వ నాశనం చేయబోతున్నాడు. [PE]